गडचिरोली: शहरातील स्व. ना. सा. गंगूवार मैदानावर रंगलेल्या ‘अप्पर-डिप्पर ग्रुप क्रिकेट स्पर्धा सिझन–८’ चा थरार अखेर रविवारी (१ फेब्रुवारी) शिवनेरी वॉरियर्सच्या ऐतिहासिक विजयाने थांबला. अत्यंत अटीतटीच्या झालेल्या अंतिम सामन्यात शिवनेरी वॉरियर्सने सिंहगड लायन्सचा पराभव करत यंदाच्या चषकावर आपले नाव कोरले.शेवटच्या चेंडूपर्यंत रंगला थरारअंतिम सामन्यात विजयासाठी संघर्ष सुरू असताना, शेवटच्या षटकातील तिसऱ्या चेंडूवर उज्जैर शेख यांनी लगावलेला गगनभेदी षटकार निर्णायक ठरला. या एका फटक्याने सिंहगड लायन्सच्या जबड्यातून विजय हिसकावून घेत शिवनेरी वॉरियर्सला चॅम्पियन बनवले. सलग आठ दिवस चाललेल्या या स्पर्धेत सिंहगड लायन्सने सुरुवातीपासून वर्चस्व राखले होते, मात्र अंतिम फेरीत त्यांना उपविजेतेपदावर समाधान मानावे लागले.शून्यातून विश्व निर्माण: शिवनेरीचा प्रवास२४ जानेवारीपासून सुरू झालेल्या या स्पर्धेत शिवनेरी वॉरियर्स, सिंहगड लायन्स, रायगड रॉयल्स आणि प्रतापगड पँथर्स हे चार संघ मैदानात होते. सुरुवातीच्या लीग सामन्यांमध्ये पिछाडीवर असलेल्या शिवनेरी वॉरियर्सने जिद्दीच्या जोरावर पुनरागमन केले.
प्रतापगड पँथर्सला हरवून त्यांनी उपांत्य फेरीत जागा मिळवली.
उपांत्य फेरीत रायगड रॉयल्सला धूळ चारत अंतिम फेरी गाठली.
अंतिम सामन्यात सिंहगड लायन्सवर मात करून विजेतेपद पटकावले.दिमाखदार बक्षीस वितरण सोहळास्पर्धेचा समारोप बोदली येथील ‘एनएस सेलेब्रेशन’ सभागृहात पार पडला. या सोहळ्याला सामाजिक व राजकीय क्षेत्रातील दिग्गज मान्यवर उपस्थित होते.उपस्थित मान्यवर: भोलू सोमनानी (सामाजिक कार्यकर्ते),प्रमोद पिपरे (माजी नगरसेवक),समशेर खान पठाण (ज्येष्ठ नेते, काँग्रेस)डॉ. यशवंत दुर्गे (प्रसिद्ध सर्जन)अनुराग पिपरे, निखिल मंडलवार व इतर.मान्यवरांच्या हस्ते विजेत्या संघाला मानाची ट्रॉफी आणि रोख पारितोषिक देऊन गौरविण्यात आले. अप्पर-डिप्पर ग्रुपच्या सर्व सदस्यांनी या स्पर्धेच्या यशस्वी नियोजनासाठी विशेष परिश्रम घेतले.
