अहेरी:18डिसेंम्बर.
सावित्रीबाई फुले उच्च माध्यमिक महाविद्यालय आल्लापल्ली येथे अल्पसंख्यांक दिन मोठ्या उत्साहात साजरा करण्यात आला. या दिनाचे औचित्य साधून विद्यार्थ्यांमध्ये सामाजिक सलोखा, समानता व बंधुतेची भावना निर्माण व्हावी, यासाठी विविध कार्यक्रमांचे आयोजन करण्यात आले होते.
कार्यक्रमाची सुरुवात मान्यवरांच्या हस्ते दीपप्रज्वलन व महापुरुषांच्या प्रतिमेला पुष्पहार अर्पण करून करण्यात आली. यावेळी अल्पसंख्यांक समाजाच्या हक्कांबाबत, त्यांच्या सामाजिक व शैक्षणिक योगदानाबाबत तसेच राष्ट्रीय एकात्मतेतील भूमिकेबाबत मार्गदर्शन करण्यात आले.
या प्रसंगी मान्यवरांनी विद्यार्थ्यांना अल्पसंख्यांक समाजाचे अधिकार, संविधानातील तरतुदी व सामाजिक समतेचे महत्त्व यावर प्रभावी विचार मांडले.
कार्यक्रमाच्या यशस्वी आयोजनासाठी शाळेचे प्राचार्य, शिक्षकवृंद व शिक्षकेतर कर्मचारी यांनी विशेष परिश्रम घेतले. शेवटी सर्व उपस्थितांचे आभार मानण्यात आले व कार्यक्रमाची सांगता करण्यात आली.
