गडचिरोली (प्रतिनिधी):
पाच दशकांपूर्वी ज्या एका घटनेने संपूर्ण देशाचे लक्ष वेधून घेतले आणि भारतातील कोठडीतील लैंगिक अत्याचारासंबंधीच्या कायद्यात (Custodial Rape Laws) ऐतिहासिक बदल घडवून आणले, त्या ‘मथुरा’ प्रकरणातील पीडिता आज वयाच्या ७२ व्या वर्षी अत्यंत हलाखीच्या परिस्थितीत जीवन जगत आहेत. ज्यांच्यामुळे लाखो महिलांना कायदेशीर संरक्षण मिळाले, त्या स्वतः मात्र आज मूलभूत गरजांपासून वंचित असल्याचे विदारक चित्र समोर आले होते. ही बाब लक्षात घेता, लॉयड्स इन्फिनिट फाउंडेशनने (LIF) सामाजिक उत्तरदायित्वातून त्यांना ५ लाख रुपयांची मदत व हक्काचा निवारा मिळवून देण्याचा पुढाकार घेतला आहे.७२ व्या वर्षी आजारपण आणि गरिबीशी झुंजमथुरा या सध्या गडचिरोली जिल्ह्याच्या दुर्गम भागात एका मोडकळीस आलेल्या झोपडीत राहत आहेत. त्यांना पक्षाघाताचा (Paralysis) त्रास असून अन्न, आरोग्य सेवा आणि सुरक्षित निवार्याचा मोठा अभाव होता. ज्या प्रकरणामुळे भारताच्या न्यायव्यवस्थेतील त्रुटींवर प्रकाश पडला, त्याच लढाईतील नायिका आज उपेक्षित जीवन जगत असल्याची दखल लॉयड्स मेटल्स अँड एनर्जी लिमिटेडने घेतली.अध्यक्ष मुकेश गुप्ता यांच्याकडून ५ लाखांची मदतया परिस्थितीचे गांभीर्य ओळखून लॉयड्स मेटल्स अँड एनर्जी लिमिटेडचे अध्यक्ष श्री. मुकेश गुप्ता यांनी लॉयड्स इन्फिनिट फाउंडेशन (LIF) मार्फत ५,००,००० रुपयांची आर्थिक मदत जाहीर केली आहे. ही रक्कम प्रामुख्याने सुरक्षित घर बांधण्यासाठी आणि त्यांच्या दैनंदिन गरजा पूर्ण करण्यासाठी वापरली जाणार आहे.प्रशासकीय समन्वय आणि कायमस्वरूपी निवाराकेवळ आर्थिक मदतच नव्हे, तर मथुरा यांना प्रधानमंत्री आवास योजनेशी (PMAY) जोडण्यासाठीही फाउंडेशनने प्रयत्न केले आहेत. यामुळे त्यांना दीर्घकालीन निवासाची सुविधा उपलब्ध होणार आहे. संबंधित शासकीय अधिकाऱ्यांनाही या प्रकरणाची माहिती देण्यात आली असून, त्यांना सरकारी योजनांचा लाभ सातत्याने मिळेल याची खातरजमा केली जात आहे.
“मथुरा यांची कहाणी समाजावर मोठा प्रभाव टाकणारी ठरली, पण त्यांच्या वाट्याला मात्र उपेक्षाच आली. इतक्या महत्त्वाच्या व्यक्तीला आजही सन्मानासाठी संघर्ष करावा लागत आहे, हे वेदनादायक आहे. त्यांना योग्य सन्मान आणि प्रतिष्ठा मिळवून देण्यासाठी आम्ही वचनबद्ध आहोत.”
— श्री. बी. प्रभाकरन, व्यवस्थापकीय संचालक, लॉयड्स मेटल्स अँड एनर्जी लिमिटेड.
लॉयड्स समूहाने घेतलेला हा पुढाकार समाजातील उपेक्षित घटकांना मुख्य प्रवाहात आणण्यासाठी आणि ऐतिहासिक योगदान देणाऱ्या व्यक्तींचा सन्मान राखण्यासाठी एक आदर्श वस्तुपाठ ठरला आहे
