वडलापेठ:
जागतिक महिला दिनाचे औचित्य साधून ‘मीयाम चॅरिटेबल ट्रस्ट’च्या वतीने वडलापेठ येथे विविध क्षेत्रांत उल्लेखनीय कामगिरी करणाऱ्या कर्तृत्ववान महिलांचा (रणरागिणींचा) गौरव करण्यात आला. महिलांच्या सन्मानासोबतच या कार्यक्रमात सांस्कृतिक माध्यमातून समाजप्रबोधनाचा जागर करण्यात आला.व्यसनमुक्तीचा संदेश आणि जनजागृतीकार्यक्रमाचे मुख्य आकर्षण म्हणजे आयोजित केलेले सांस्कृतिक कार्यक्रम. या कार्यक्रमांच्या माध्यमातून ‘व्यसनमुक्ती’ या विषयावर विशेष प्रकाश टाकण्यात आला. समाजाला व्यसनांच्या विळख्यातून बाहेर काढण्यासाठी आणि एक सुदृढ समाज घडवण्यासाठी विविध उपक्रमांतून नागरिकांमध्ये जनजागृती करण्यात आली.मान्यवरांची उपस्थितीसदर कार्यक्रमाच्या अध्यक्षस्थानी मीयाम चॅरिटेबल ट्रस्टच्या अध्यक्षा नीतू जोशी हया होत्या. कार्यक्रमाला प्रमुख पाहुणे म्हणून खालील मान्यवरांची उपस्थिती होती:
पुष्पाताई अलोणे (सामाजिक कार्यकर्त्या)
सारिकाताई गडपल्लीवार (सामाजिक कार्यकर्त्या)
निरंजन दुर्गे (पोलीस पाटील, चिंतलपेठ)
सुरेश आत्राम (सामाजिक कार्यकर्ता)
लालसाई नेताम (माजी उपसरपंच)
रोहित तर्रेवार व प्रथम सोनलवार (सामाजिक कार्यकर्ते)ग्रामस्थांचा उदंड प्रतिसादया सोहळ्यासाठी वडलापेठसह बोरी, आपापली, मुथापूर, चिंतलपेठ, दिनाचेरपली आणि राजापूर पॅच या परिसरातील शेकडो महिला भगिनी व ग्रामस्थ मोठ्या संख्येने उपस्थित होते.कार्यक्रमाचा समारोप सायंकाळी रंगतदार सांस्कृतिक कार्यक्रम आणि स्नेहभोजनाने झाला. महिलांच्या सन्मानाचा हा सोहळा परिसरातील नागरिकांसाठी कौतुकाचा विषय ठरला आहे.
